Нийслэлийн Засаг даргын “Хүн, малын гоц халдварт өвчин, тарваган тахал өвчнөөс урьдчилан сэргийлэх ажлыг эрчимжүүлэх тухай” захирамж гарсан. Тус захирамжийн хүрээнд НМХГ бусад төрийн байгууллагуудтай хамтран таван  дүүргийн найман товчоонд 24 цагийн хяналт шалгалт хийн ажиллаж байгаа юм.

Шалгалт энэ сарын 1-нд эхэлсэн бөгөөд аравдугаар сарын 15-нд дуусна. Өнөөдрийн байдлаар хөдөө орон нутгаас нийслэлд оруулж ирэхээр завдсан 152 тарваганы мах, түүхий тулмыг илрүүлж Зооноз өвчин судлалын үндэсний төвд хүлээлгэн өгч устгалд оруулжээ.

Мөн хөдөө орон нутгаас гарал үүсэл нь тодорхойгүй, мал эмнэлгийн шинжилгээний бичиггүй амьтны гаралтай мах, түүхий эдийг илрүүлэн шалгаж байгаа аж.