Чөлөөт бөхийн “Токио-2020” олимпийн сүүлийн эрхийн тэмцээнд 5 бөх өрсөлдөнө
“Токио-2020” олимпийн наадмын чөлөөт бөхийн хамгийн сүүлчийн эрхийн тэмцээн 5 дугаар сарын 6-наас 9-нд Болгарын Софи хотноо болно. Энэхүү олимпийн эрх олгох дэлхийн сүүлчийн тэмцээнд оролцохоор манай 5 бөх, 3 дасгалжуулагч Казахстан улсад үлдэж бэлтгэл сургуулилтаа хийж байна.
Тэмцээнд оролцох тамирчдыг шигшээ багийн ахлах дасгалжуулагч Б.Баттулга, МУ-ын гавьяат дасгалжуулагч А.Цэдэнсодном, эмэгтэй шигшээ багийн дасгалжуулагч Ө.Ууганбаяр нар удирдах бөгөөд 57 кг-ын жинд ДАШТ-ий хошой хүрэл медальт, Монгол улсын гавьяат тамирчин Э.Бэхбаяр, 74 кг-д 23 хүртэлх насны дэлхийн аварга шалгаруулах тэмцээний хүрэл медальт, ОУХМ Б.Бямбадорж,
86 кг-д ДАШТ-ий мөнгөн медальт, Монгол улсын гавьяат тамирчин П.Өнөрбат, 97 кг-д ОУХМ Ч.Алтангэрэл, эмэгтэйчүүдийн 62 кг-д ОУХМ Х.Болортуяа нар эх орноо төлөөлөн оролцоно.
Баг тамирчиддаа амжилт хүсье !!!
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
