Манай улсад анх удаа "Face of Beauty International” тэмцээн зохион байгуулагдаж байгаа билээ. Тус тэмцээнд 60 орны мисс оролцох бөгөөд ялагч нь 40 мянган ам.долларын эзэн болох гэнэ. Одоогийн байдлаар манай улсад тэмцээнд оролцох 20 гаруй мисс хүрэлцэн ирээд байгаа аж.

Мөн энэхүү тэмцээнийг өмнөх жилийн титмийн эзэд болон Украины “амьд барби” Валериа Лукянова, “Face of beauty international” тэмцээний ерөнхийлөгч нар шүүх ажээ. Энэ удаагийн тэмцээнээр “Мазаалайгаа хамгаалъя” уриалга дэвшүүлсэн нь дэлхийн нийтийн анхаарлыг мазаалайг хамгаалах үйлсэд хандуулж байгаагаарай онцлогтой.

Харин манай улсыг төлөөлөн жүжигчин, мисс Э.Урангоо оролцож байгаа юм. Өнөөдөр тэмцээний  хамгийн чухал шалгаруулалт болох "Олны таашаалд нийцсэн мисс" номинацийн албан ёсны санал хураалт эхэлсэн байна. Уг шалгаруулалтын гуравдугаар байрт 652 хүний саналтайгаар Э.Урангоо бичигдэж байгаа бол бол  Мьянмарын мисс 2200 саналтайгаар жагсаалтыг  тэргүүлж байгаа гэнэ.

Хэрвээ эх орныхоо мисс Э.Урангоог дэмжих бол доох холбоосоор орж лайк дарж, дэмжих боломжтой юм байна.