Америкийн цомын тэмцээний 100 жилийн ойн хүрээнд болж байгаа “Копа Америка” АНУ-д болж байгаа билээ. Тэгвэл Америкийн цомын хагас шигшээн эхний тоглолт дөнгөж сая өндөрлөлөө. Хагас шигшээд АНУ-ын баг Аргентинтай тулсан. Тэгвэл Аргентины шигшээ өрсөлдөгчөө 4:0-ээр “шүүрдэж”, финалд шалгарлаа.

Тоглолтын 3 дахь минутад Лавесси гоолдож, тооны харьцааг нээсэн. Улмаар 32 дахь минутад Месси энэхүү тэмцээний 5 дахь гоолоо оруулсан. Харин “Наполи”-гийн шилдэг довтлогч Игуаин 50, 86 дахь минутад хоёрыг хийснээр АНУ-ын шигшээг буулгаж авлаа.

Маргааш өглөө Колумб болон Чилийн шигшээ баг хоорондоо тулна. Аль хожсон нь Аргентинтай цом булаалдах юм.