Оюутан байхдаа гол дүрийн жүжигчнээр шалгарч найруулагчдын хараанд өртсөн жүжигчин А.Ганчимэг өнөө цагийн залуу эмэгтэй жүжигчдийн дунд  авьяас чадвараараа тэргүүлж яваа нэгэн. Гэвч түүний хувийн амьдрал тийм ч дардан байгаагүй.

Нэг хэсэгтэй л найз залуутай болохгүй хэмээн ярьж явсан жүжигчин бүсгүй “Зэрлэг цэцэгсийн хүлэмж” кинонд хамт тоглосон багын найз Б.Энхтүвшин гэх мэргэжил нэгт залуутай хайрын романс үүсгэж төд удалгүй бие давхар болсон. Тэдний гэнэтийн үерхэл, хайр дурлал олныг шуугиулж байсан ч нэг их удалгүй хоёр тийшээ болцгоосон. Гэвч залуу хосуудын салсан шалтгаан одоо болтол тодорхойгүй байдаг бөгөөд жүжигчин залуусийн хэн нь ч энэ талаар ам нээгээгүй байдаг билээ. Тэгвэл А.Ганчимэгийн экс нөхөр Б.Энхтүвшин найз бүсгүйтэй болсон гэнэ.

Тэрбээр, энэ тухайгаа өөрийн фэйсбүүк хуудсаараа дамжуулан шүтэн бишрэгчиддээ мэдэгдсэн байна. Түүний шинэхэн найз бүсгүйд шүтэн бишрэгчид нь өөрийн өөрийн өнцгөөр хандаж байгаа гэнэ. Залуу хосуудын үерхлийг дэмжсэн нэгэн байхад эсэргүүцсэн хүмүүс ч байсан. Ямартай ч жүжигчин залуу өөрийн хайраа олсон бололтой.

Дашрамд сонирхуулахад, жүжигчин Б.Энхтүвшингийн хувьд сүүлийн үед уран бүтээлийн ургац арвин байгаа гэхэд болно. Тэрбээр хамгийн сүүлд “Чононгоо” продакшны “Ээж” болон “Сахиулсан тэнгэр” кинонд тоглоод байгаа билээ.