Өнгө төрх, стиль имижээрээ бусад дуучдаас үргэлж ялгарч чаддаг нэгэн бол “Киви” хамтлагийн ахлагч, дуучин Ука. Тэгвэл энэ удаад бас л олноос онцгойрц, охид бүсгүйчүүдийг шуугиулж байна. Тэрбээр “Маргаашийн нар луу хамт аялах уу” хэмээх өвөрмөц нэртэй дууныхаа клипэнд үндэсний дээл өмсөж, толгойдоо алчуур ороож нарны шил зүүн бүжиглэсэн нь үзэгчдийн анхаарлыг ихэд татсан бололтой.

 Ямартай ч дуучин Укагийн  “Маргаашийн нар луу хамт аялах уу” дууны клип “Ука стайл” болж хувирав. Уг дууны клипийг мода болтол нь дэлгэрүүлж чадсан хүн гэвэл эрхэм дуучнаас илүү бяцхан хүүхдүүд гэхэд хилсдэхгүй. Тодруулбал, бага насны хүүхдүүдээ “Ука стайл”-аар гоёсон ээж нар фэйсбүүк хуудсанд хүүхдийнхээ зургийг байршуулсан нь хүмүүсийн хайрыг ихээхэн татсан.

Харин сэргэлэн дуучин бүсгүй энэ байдлыг сүйхэйтээгээр ашиглаж “Маргаашийн нар луу хамт аялах уу” дууны клипний имижийг дуурайсан хамт олны шинэ жилийн арга хэмжээн дээр өөрийн биеэр очиж дуулж өгөх болзолтой уралдаан зарлаад амжсан. Ийнхүү уралдаан зарласан нь “Ука стайл”-ийг модонд оруулж байна.

 Дашрамд сонирхуулахад, дуучин бүсгүйн зарласан уралдаанд хамгийн сүүлд гэхэд Монголдоо томоохон үйлдвэрлэгч гэгддэг “Өгөөж” компанийн хамт олон маань нэгджээ. Ямартай ч “Ука стайл” эрчээ авч хүүхэд, эмэгтэйчүүдийг хөдөлгөөнд оруулаад байна.