Хөдөө, орон нутгийн замд зам тээврийн осол гарах нь ихэссэн талаар холбогдох албаныхан мэдээллээ. Тухайлбал, өчигдөр гэхэд хөдөө орон нутгийн замд хоёр осол гарч, гурван амиа алдаж, нэг хүн бэртсэн байна.

Тодруулбал, Дорноговь аймгийн Замын-Үүдээс Сайн-Шанд орох автозамд “Toyota Corolla” автомашин мотоциколтой мөргөлджээ. Ослын улмаас 34 настай  Э нас барж, Ө гэмтсэн байна.

Мөн Сэлэнгэ аймгийн Мандал сумын I дүгээр багийн “Хотонгийн даваа” гэх газар самранд явж байсан “Зил-131” автомашин онхолдмсон аж. Улмаар 27 настай М, 14 настай Б, 41 настай Б нар нас барсан байна. Дээрх хэргийг цагдаагийн байгууллага үргэлжлүүлэн шалгаж байгаа ажээ.