Испанийн Ла лигийн үлдсэн ганц тоглолт өнгөрсөн шөнө боллоо. Энэ тойрогт “Вильярреал” клуб талбайдаа “Атлетико Мадрид”-ыг хүлээж авч, 3:0-ээр буулгаж авлаа. Ингэснээр 26 оноотой болж, дөрөвдүгээр байр руу орж ирж байна.

Тэгвэл “Атлетико” 25 оноотой үлдэж, 6 дугаар байр руу уналаа. Гуравдугаар байрт бичигдэж байгаа “Севилья” гэхэд тэднээс 5, тэргүүлж буй “Реал” 12 оноогоор тасраад байна.

Энэ удаагийн тоглолтын 28 дахь минутад Тригерос гоолдож, тооны харьцааг нээсэн. Улмаар Жонатон дос Сантос нэгийг нэмж, Сориано 90 дэх минутад гүйцээжээ.