Крис Мартин орлогынхоо 10 хувийг буяны үйлсэд зориулна
Их Британийн алдарт “Coldplay” хамтлагийн дуучин Крис Мартин хадгаламжиндаа 90 сая ам.долларын хөрөнгөтэй гэнэ. Гэхдээ урлагийнхан дундаа өгөөмөр гэгддэг тэрбээр энэ бүх мөнгийг зөвхөн өөртөө зориулан хадгалаагүй бололтой. Учир нь залуу саяхан өөрийн нийт орлогынхоо 10 хувийг тусламж хэрэгтэй нийгмийн давхаргынханд олгохоо мэдэгдсэн байна.
Тэрбээр “Today's Richard Wilkins” нэвтрүүлэгт оролцох үедээ “Намайг арван настай байхаас ээж минь тусламж хэрэгтэй нийгмийн эмзэг давхаргынханд чадах чинээгээрээ тусалж байхыг зааж сургасан” гэж ярьсан байна. Дуучин залуу “Крисийн халаасанд байгаа мөнгөний 10 хувь нь буяны санд хандивлагдана” гэж хэлжээ.
Үүнээс гадна “Coldplay” хамтлаг жилдээ 475 сая ам.долларын орлого олдог бөгөөд үүнийхээ 10 хувийг нийтдээ 28 буяны санд хандивладаг гэнэ. Гэхдээ тэд энэ талаар өмнө нь нэг ч удаа олонд дэлгэж байгаагүй юм байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
