Чуулганы үдээс хойшхи хуралдаан Монгол Улсын Хилийн тухай хуулийн шинэчилсэн найруулгын төслийн анхны хэлэлцүүлгээр эхэлсэн билээ. Тэгвэл одоо тус хуулийн зарчмын зөрүүтэй санал хураалтаар үргэлжилж байна.

Хуралдааны үеэр УИХ-ын гишүүн Ж.Ганбаатар 20 дугаар зүйлд өгсөн саналаа буцааж авсантай холбогдуулан УИХ-ын Баасанхүү “УИХ-д наймаачид орж ирчихээд төрийг наймаалцаад байх юм. Энд төрийн асуудал ярьж байна. Ганбаатар аа,   би чамайг хэлж байна. Энд тодорхой хэмжээний дэг журам, шаардлага гэж бий. Харьяаллын асуудалд нарийн хандах ёстой.

Нарийн ярьвал бид Турктай визгүй болсон байгаа шүү. Гэтэл саналаа буцаая гэж юу байдаг юм. Би энэ асуудалд ажил хэргийн шугамаар холбогдож, хариуцаж ажиллаж байсан. Эхнээсээ л бид ямар нэгэн зөрчилтэй хүн оруулахгүй байх хэрэгтэй. Хэрвээ тийм хүн оруулаад ирвэл эргүүлээд гаргах гэж хэцүү байдаг юм билээ. Ямар ч байсан төрийг наймаалцахгүй шүү. Үг хэлэхдээ хүртэл ар өврийн хаалга хэрэглэж болохгүй” гэсэн юм.

Үүний дараа  УИХ-ын дэд дарга Ц.Нямдорж “Хурал дээр хэцүү үг хэлэх үе гардаг л даа. Би ч гэсэн хэцүүхэн үг хэлчихдэг. Гэхдээ хурал болгон дээр гишүүд рүү дайрч давшилдагаа больмоор юм аа,  Баасанхүү гишүүн ээ, 75 хүн рүү дайръя гэвэл бие чинь хүрэхгүй шүү” гэв. Хуралдааны Хилийн тухай хуулийн шинэчилсэн найруулгын зарчмын зөрүүтэй санал хураалтаар үргэлжилж байна.