Дэлгэрмөрөн голд автомашинтайгаа цөмөрч, суусан иргэдийг Онцгой байдлын албаныхан аварсан байна.

Тодруулбал, арванхоёрдугаар сарын 22-нд Хөвсгөл аймгийн Бүрэнтогтох сумын Баянхошуу багийн Далангийн гарам гэдэг газар “Бонго” загварын машинтай зорчиж явсан дөрвөн иргэн Дэлгэрмөрөн голын мөс цөмөрснөөс сууж, аюултай байдалд орлоо гэдэг дуудлага тус айгмийн Онцгой байдлыг газарт иржээ.

Дуудлагын дагуу аймгийн Онцгой байдлын газрын Эрэн хайх, аврах салбарын долоон албан хаагч, нэг автомашинтай ажиллаж, иргэдийг аварчээ. Улмаар иргэдийг аюулгүй газарт шилжүүлэн автомашиныг нь татан гаргасан аж.