Жирэмсэн эмэгтэй бусдын гарт амиа алджээ
Улаанбаатар хотын цагдаагийн газраас нийслэлд үйлдэгдэж буй ноцтой болон зонхилон гарсан гэмт хэрэг, шинэ жилийн баярын өдрүүдэд ажиллах эргүүл, хяналтын үйл ажиллагааны талаар яг одоо мэдээлэл хийж байна.
Энэ үеэр хэд хэдэн хэргийн талаар мэдээлэв. Тодруулбал, Баянзүрх дүүргийн 7 дугаар хорооны нутаг дэвсгэрт 2016 оны долдугаар сард долоон сартай, жирэмсэн иргэн М нь бусдад боолгуулж нас барсан эрүүгийн тоот хэргийг Сүхбаатар дүүргийн 13 дугаар хороонд оршин суух, эрхэлсэн тодорхой ажилгүй, 1982 онд төрсөн, эрэгтэй М гэгч үйлдсэн болохыг Улаанбаатар хотын цагдаагийн газрын Онц хүнд гэмт хэрэг мөрдөх хэлтсийн алба хаагчид 2016 оны арванхоёрдугаар сард нөхөн илрүүлээд шалгаж байгаа аж.
Мөн Чингэлтэй дүүргийн 12 дугаар нутаг дэвсгэр, Акума төвийн урд талын жалганд энэ сарын 17-18-нд шилжих шөнө 60 настай эмэгтэй И нь эд зүйлээ дээрэмдүүлэн, зодуулж нас барсан эрүүгийн тоот хэргийг Баянхонгор аймгийн харьяат, эрхэлсэн тодорхой ажилгүй, 1991 онд төрсөн, эрэгтэй Т гэгч үйлдсэнийг мөн илрүүлэн, шалгаж байгаа гэнэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
