Авто тээврийн болон өөрөө явагч хэрэгслийн албан татвар, агаарын бохирдолын төлбөр, авто зам ашигласны төлбөрийг хураах ажил өнөөдөр эхэлнэ.

Тус ажлыг хэрхэн явуулах талаар Нийслэлийн Захирагчийн ажлын алба, Авто тээврийн үндэсний төв, нийслэлийн Татварын газар, Замын цагдаагийн алба, Улаанбаатар хотын Замын хөдөлгөөний удирдлагын төвийн хамтарсан ажлын хэсэг өнгөрсөн баасан гарагт мэдэгдэл хийсэн юм.

Энэ үеэр Нийслэлийн Татварын газрын дарга Д.Мөнх-Учрал “Өнөөдрийн байдлаар бид 18 цэг дээр татвар хураамж авч эхлээд байна. Есөн дүүргийн Татварын хэлтэс ажлын цагийн хуваарийн дагуу иргэд, аж ахуй нэгжүүдэд үйлчилж байгаа. Мөн нийслэлийн үйлчилгээний нэгдсэн төвүүд  болох Дүнжингарав, Мишээл, Драгон болон  АТҮТ-ийн оношлогооны гурван салбар дээр татвар хураах ажлыг зохион байгуулж байна. Иргэд дүүрэг, харьяалал харгалзахгүй татвар, төлбөрөө өөрт ойрхон салбаруудад  төлөх боломжтой” гэдгийг онцолсон. Тэгвэл энэхүү ажил албан ёсоор эхэлж байгаа юм байна.