Мэдээллийн зарим сайтад “Налайх дүүргийн III  хорооны нутаг дэвсгэрт үйл ажиллагаа явуулдаг БНХАУ-ын хөрөнгө оруулалттай “Топ” тоосгоны үйлдвэрт Монгол охидын биеийг үнэлж байна” гэсэн гарчигтай мэдээлэл нийтлэгдсэн.

Уг мэдээлэлтэй холбоотойгоор Налайх дүүрэг дэх цагдаагийн хэлтсээс холбогдох шалгалтын үйл ажиллагааг явуулж, дээрх мэдээлэл нь үндэслэлгүй болохыг тогтоосон байна.

Тодруулбал, “Топ” тоосгоны үйлдвэрийн үйл ажиллагаа хоёр жилийн өмнөөс зогссон аж. Үйл ажиллагаа явуулж байх үед нь тус үйлдвэрт Монгол Улсад ажиллах хүчээр орж ирсэн БНХАУ-ын долоон иргэн ажилладаг байжээ. Дээрх мэдээлэлд дурдсан үйл явдлын талаар үйлдвэрт ажиллаж байсан Монгол иргэдээс асууж тодруулахад тийм асуудал гарч байгаагүй гэдгийг мэдүүлсэн байна.