Спортын төв ордны А зааланд жүдо бөхийн улсын аварга шалгаруулах тэмцээн 09:00 цагаас эхэллээ. Өнөөдөр эрэгтэй 60, 66, 73, эмэгтэй 48, 52, 57, 63 кг-ын жингийн барилдаанууд болно. Тэмцээний хагас шигшээ барилдаан 15:00 цагт эхлэх бол 16:00 цагаас шигшээ барилдаан болох юм.

Энэ удаагийн улсын аварга шалгаруулах тэмцээн шинэчилсэн дүрмээр явагдаж байгаа гэдгээрээ онцлог юм. Тиймдээ ч олон улсын шилдэг шүүгчид хүрэлцэн ирж, манай улсын аварга шалгаруулах тэмцээнийг шүүж байгаа билээ. 

Тэгвэл УАШТ-ий эхний шуугиантай барилдааныг Баянзүрх дүүргийн спорт хорооны тамирчин Н.Мөнхбаяр тарилаа. Тэрбээр эхний тойрогтоо ОУХМ Д.Төмөрхүлэгийг ялж, дуулиан тарилаа.