Боловсрол, соёл, шинжлэх ухааны яам, Нийслэлийн боловсролын газар, Нийслэлийн эрүүл мэндийн газар хамтран Ерөнхий боловсролын сургуулийн сурагчдын амралтыг сунгах эсэх асуудлаар хэвлэлийн бага хурал хийлээ.

БСШУСЯ-ны Бодлогын хэрэгжилтийг зохицуулах газрын дарга  М.Мөнхбаатар, Нийслэлийн боловсролын газрын орлогч дарга Ц.Отгончимэг нар хэвлэлийн хуралд оролцлоо. Хурлын үеэр нийслэлийн сурагчдын амралтыг энэ сарын 30 хүртэл сунгахаар болсон талаар мэдэгдлээ.

Мөн Хов, Завхан аймгийн Засаг дарга нар Монгол Улсын Ерөнхий сайд Ж.Эрдэнэтбатад сурагчдын амралтыг сунгаж өгөх хүсэлт гаргасны дагуу тус аймгийн сурагчид амрах юм байна. Харин бусад аймгийн сурагчид хуваарийн дагуу хичээллэх ажээ. Мөн энэ үеэр Нийслэлийн эрүүл мэндийн газраас амбулаторын үзлэг 8.6 хувьтай буюу өмнөх жилтэй харьцуулахад хоёр дахин нэмэгдсэн хэмээн мэдээллээ.