Олон Улсын Валютын Сан 2017 оны дэлхийн эдийн засгийн өсөлтийн төлөвийг 3.4 хувьд хүрнэ гэж таамаглажээ. Энэ нь өнгөрсөн оноос 0.3 хувиар өссөн үзүүлэлт болж байгаа юм. Харин хөгжингүй орнуудын эдийн засгийн өсөлт 1.9 хувьд хүрнэ гэж таамагласан байна.

Шинэ засаг захиргаа бүрдэж байгаа АНУ-ын эдийн засаг 2.3 хувиар өснө гэж Олон Улсын Валютын Сан таамагласан бол БНХАУ-ын 2017 оны эдийн засгийн өсөлтийг төлөвийг 6.5 хувьд хүрнэ гэж таамагласан байна.

Энэ нь өнгөрсөн оны аравдугаар сард гаргасан таамгаас 0.3 хувиар өндөр үзүүлэлт болж байгаа ажээ. Түүнчлэн БНХАУ-ын эдийн засаг өнгөрсөн оны эхэнд тогтворгүй байсан бол оны төгсгөлд өсөлттэй байж чадсан гэж мэдэгдлээ.