Монголбанкны Захирлуудын Зөвлөлийн  ээлжит  хуралдаанаар БНХАУ-ын Үйлдвэр худалдааны банкинд Монгол Улсад Төлөөлөгчийн газар байгуулах зөвшөөрөл олгохоор шийдвэрлэсэн байна.

Тус улсын хэвлэлд бичсэнээр Хятадын үйлдвэр худалдааны банк нь  Банкерс-Алманак байгууллагаас гаргадаг дэлхийн шилдэг банкуудын жагсаалтыг сүүлийн  гурван жил дараалан тэргүүлсэн, зээлжих зэрэглэл тогтоогч байгууллагуудаас “А1” буюу тогтвортой зэрэглэл авсан, 42 улсад 400 гаруй салбар нэгжтэй oлон улсад нэр хүнд бүхий банк гэнэ.

Үйлдвэр худалдааны банк нь Монгол Улсын хууль тогтоомжид заасны дагуу Төлөөлөгчийн газар нь банкны үйл ажиллагаа эрхлэхгүй, зөвхөн өөрийн банкны нэрийн өмнөөс эрх зүйн төлөөлөл явуулах  аж.

Дашрамд өгүүлэхэд, Монгол Улсад 2008 оноос  Голландын  Ай Эн Жи банк,  Хятадын  Банк оф Чайна, Японы   Сумитомо Мицуи Банкны Корпораци болон Токио-Мицүбиши Банк Юу Эф Жэй банкны Төлөөлөгчийн газрууд үйл ажиллагаа явуулж байгаа бөгөөд дээрх зөвшөөрлийг олгосноор таван  гадаадын банкны  Төлөөлөгчийн газар үүдээ нээгээд байгаа юм.