“Мөнхжин-Од” компанийн үйлдвэрлэсэн “Найрсаг” архинд таван хүн хордож амиа алдсан харамсалтай хэрэг гарсан билээ. Үүнтэй холбогдуулан Нийслэлийн иргэдийн төлөөлөгчдийн хурлын Тэргүүлэгчдийн хурал болон ажлын хэсгээс энэ сарын 17-ны өдрийн 18.00 цагаас энэ сарын 20-ны өдрийг дуустал архи, согтууруулах ундаа худалдах, түүгээр үйлчлэхийг хориглосон тогтоол гаргасан.

Тэгвэл энэхүү тогтоол хэрэгжих хугацаанд зам тээврийн осол буурсан талаар Замын цагдаагийн албанаас мэдээллээ. Тодруулбал, согтуугаар тээврийн хэрэгсэл жолоодсон зөрчил 56.8 хувиар буурчээ. Харин  согтуугаар тээврийн хэрэгсэл жолоодон замын хөдөлгөөнд оролцсоны улмаас гаргасан зам тээврийн осол 83.3 хувиар буурсан байна.