Бусдын биед хүнд гэмтэл учруулсан хэрэг өнгөрсөн онд Баянхонгор аймгийн Баянхонгор сумын нутагт гарсан билээ. Тодруулбал, тус сумд байрлах "Шунхлай” ХК-ийн шатахуун түгээх станцын талбайд Б, Г нар хоорондоо маргалдаж, улмаар нэгнийхээ биед хүнд гэмтэл учруулж, санаатай алсан хэрэг гарсан юм. Уг хэргийг Баянхонгор аймгийн Прокурорын газраас Монгол Улсын Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар яллах дүгнэлт үйлдэж шүүхэд шилжүүлсэн аж.

Хэргийг Баянхонгор аймгийн Эрүүгийн хэргийн анхан шатны шүүх хянан хэлэлцээд, шүүхээс зургаан удаагийн ял шийтгэлтэй, хүнд гэмт хэрэгт ял шийтгэгдэж байсан Б-г онц, аюултай гэмт хэрэгтнээр тооцсон байна. Түүнд  10 жил зургаан сар 10 хоногийн хорих ял оногдуулан, ялыг онцгой дэглэмтэй хорих ангид эдлүүлэхээр болжээ.