Тулгар төрийн 2225, Их Монгол Улсын 810 жил, Ардын хувьсгалын 95 жилийн ойн баяр наадам болоход 10 гаруй хоног үлдсэн. Тэгвэл Үндэсний их баяр наадамд зориулан "Монгол наадам” хэмээх сүлд дууг гаргасан байна.

Наадмын сүлд дууны аяыг Монгол Улсын урлагийн гавьяат зүтгэлтэн, хөгжмийн зохиолч Б.Балхжав, үгийг Монгол Улсын урлагийн гавьяат зүтгэлтэн яруу найрагч Ш.Гүрбазар бичжээ. Харин хөгжмийн найруулгыг хөгжмийн зохиолч Б.Чинбат хийсэн гэнэ.

Уг дууг рок поп, сонгодог урлаг, нийтийн дуучид зэрэг нийт 25 дуучид амилуулсан бөгөөд ҮДБЭЧ, ХЦДБЧ, ЦДБЭЧ, УДЭТ-ын уран бүтээлчид хамтран оролцсон аж. Сүлд дууны клип долдугаар сарын 1-нд цацагдах гэнэ.