Энэ сарын 11-нээс эхлэн сар шинийн амралтын өдрүүдийн замын хөдөлгөөний зохицуулалт хийхээр болсныг Цагдаагийн ерөнхий газрын хэвлэл, мэдээллийн төвөөс мэдээллээ.

Тодруулбал, Чингэлтэй дүүргийн нутаг дэвсгэрт хоёрдугаар сарын 11, хоёрдугаар сарын 18-ны бямба гараг, хоёрдугаар сарын 12, 19-ний ням гаргийн амралтын өдөр “Дэнжийн мянга” худалдааны төвийн замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш нэг чигийн хөдөлгөөнд оруулахаар болжээ.

Мөн далангаас зүүн тийш Судалт төвийн уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулж, зохицуулалтын арга хэмжээ авч ажиллах юм байна.