Гэр бүл, хүүхэд, залуучуудын хөгжлийн газар, Монголын ураг удам уламжлалын холбоо хамтран үндэсний анхдугаар зөвлөгөөнийг зохион байгууллаа. Тус зөвлөгөөнд Гэр бүл, хүүхэд, залуучуудын хөгжлийн газрын удирдлагууд болон Монголын ураг удам уламжлалын эрдэмтэн, судлаачид оролцсон. Зөвлөгөөний үеэр эрдэмтэд илтгэл тавьж, угийн бичиг хөтлөхийн ач холбогдол, хөтлөх аргачлалын талаар мэдээлэл өгсөн юм.

Угийн бичиг есөн үеэр шувтардаг, ясан төрөл буюу эцгийн талаа бүрэн хөтөлсөн удам угсааны бичиг юм. Одоогийн байдлаар манай улсад угийн бичиг хөтөлдөг 700 гаруй хүн бий гэсэн судалгаа байдаг бөгөөд энэ дотор 41 үеэ мэддэг хүн ч байгаа ажээ. Мөн тус холбоо есөн аймаг 147 суманд үйл ажиллагаа явуулж салбар зөвлөлөө байгуулсан байна.

Түүнчлэн хөдөө орон нутаг дахь салбараараа дамжуулан ард иргэд, залуу хойч үедээ угийн бичиг хөтлөх ач холбогдол, арга зүйг сургах, түгээн дэлгэрүүлж ажилладаг гэдгийг тус зөвлөгөөнд оролцсон эрдэмтэд онцолж байлаа.