БНХАУ-ын онц хүнд гэмт хэрэгтэн манай улсын хилийн боомтыг нэвтэрсэн хэрэг гарсан байна. Тодруулбал, Энэ сарын 5-нд Дорноговь аймгийн Замын-Үүд сумын хилийн шалган нэвтрүүлэх боомтоор БНХАУ-ын иргэн 42 настай эрэгтэй Ли Жан гэгч цагаан өнгийн “Prado-150” хятад улсын дугаартай автомашинтай хилийн хаалтыг дайран нэвтэрсэн хэрэг гарсан аж.

Тэрбээр, БНХАУ-ын хоёр ч хилийн хаалтын торыг машинаараа дайрч нэвтрээд манай улсын хил рүү орж ирсэн бөгөөд Замын-Үүд сумаас хойш 41 километр газарт зугтаасан байна. Харин  түүнийг сум дундын цагдаагийн хэлтсийн жижүүрийн бүрэлдэхүүн, Хил хамгаалах алба, Тагнуулын албатай хамтран таслан зогсоосон аж.  Уг хэргийг харъяаллын дагуу Тагнуулын ерөнхий газрын Хилийн тагнуулын хэлтэст шилжүүлэн шалгаж байгаа юм байна.