Улаанбаатар хотын Замын цагдаагийн газрын ЖШУХ дээр өчигдөр нийт 267 дуудлага,  мэдээ мэдээлэл  хүлээн авснаас зам тээврийн ослын  190 дуудлага бүртгэгдсэн байна.  Үүнээс 21 хүн хүнд хөнгөн гэмтжээ.

Тодруулбал, БГД-ийн нутаг Хасбаатарын Бичил хорооллын урд замд Benz G550  маркийн авто машины жолооч Э нь T. RAY-4 маркийн Г жолоочтой авто машинтай мөргөлдөж, жолооч 26 настай эмэгтэй Г нарын дөрвөн хүн гэмтсэн аж.

 Мөн ЧД-ийн нутаг дэнжийн гудамж, 31-р цэцэрлэгийн 64-р тойргийн урд замд Т.Probox  маркийн авто машины жолооч М нь явган зорчигч 25 настай эрэгтэй С нарын дөрвөн хүнийг мөргөж, гэмтээжээ.

Түүнчлэн хөдөө орон нутгийн замд осол гарч, хоёр хүний амийг хохироосон байна. Тухайлбал, Төв аймгийн Аргалант сум Уушгийн хөтөлийн зүүн асфальтан  замд K.K5 маркийн Б жолоочтой авто машин онхолдож зорчигч 70 настай эрэгтэй С-ийн амь нас хохирчээ.

Мөн Сүхбаатар аймгийн Баяндэлгэр сум 4-р баг Бага айраг гэх газар шороон замд T.Land Cruiser маркийн С жолоочтой авто машин онхолдож  жолооч 48 настай эрэгтэй С-ийн амийг хохироосон байна.