Хуурамч бичиг баримт ашиглан Монголд амьдарч байсан БНХАУ-ын иргэнийг саатуулан баривчилжээ. Хэргийн талаар тодруулбал, БНХАУ-ын иргэн Сэргэлэн гэгч манай улсад 2001 онд жуулчны визээр орж ирэн улмаар харалсан байна.

Мөн тэрбээр хуурамч иргэний үнэмлэх гаргуулан, том компанид удирдах алба хашиж байжээ. Түүнчлэн Монгол Улсын иргэнтэй гэр бүл болж хоёр хүүхэдтэй болсон аж. Харин уг хэргийг шалгасны дараа БНХАУ-ын иргэн Сэргэлэнд ямар арга хэмжээ авахыг шийдэх аж.

Энэ төрлийн гэмт хэрэгт ихэвчлэн албадан гаргах, эрүүгийн хариуцлага хүлээлгэх арга хэмжээ авдаг билээ.