Их хэмжээний мөнгөн ус тээвэрлэж явсан этгээдийг илрүүлэн саатуулжээ. Тодруулбал, нийслэлийн Хан-Уул дүүргийн Замын цагдаагийн хэлтсийн зохицуулагч, ахлах дэслэгч Б.Эрдэнэжаргал, ахлах ахлагч Б.Баярхүү нар их хэмжээний мөнгөн ус тээвэрлэж явсан жолооч нарыг саатуулан, Баянгол дүүргийн Цагдаагийн нэгдүгээр хэлтэст шилжүүлсэн байна.

Замын цагдаа нар Рэнж ровер” маркийн автомашин тээшнийх хойд нь хэсэг доошоо дарагдсан нь байдалтай байсан тул зогсоон шалгахад  64.5 кг мөнгөн ус илэрчээ.

Харин химийн хорт болон аюултай бодисыг зохих зөвшөөрөлгүйгээр тээвэрлэж явсан иргэнийг илрүүлж, хуулиар хүлээсэн үүргээ нэр төртэй биелүүлсэн тэднийг Цагдаагийн ерөнхий газраас “Баярын бичиг”-ээр шагнасан байна. Хууль бусаар мөнгөн ус тээвэрлэж явсан хүмүүст Эрүүгийн хэрэг үүсгэн шалгаж эхэлсэн талаар эх сурвалж мэдээллээ.