Өнгөрсөн улиралд Английн премьер лигт түрүүлж, итгэмээргүй амжилт үзүүлж чадсан “Лестер” клуб энэ жил Аваргуудын лигт ч тун сайн тоглож, хэсгээсээ гарсан. Улмаар 1/8 шигшээд Испанийн “Севилья” клубтэй учраа таараад байгаа билээ. “Севилья”-гийн хувьд энэ улиралд Ла лигт тун ч сайн тоглож, “Реал”, “Барса”-тай өрсөлдөж буй.

Тэгвэл хоёр багийн эхний тоглолт өнгөрсөн шөнө болж, “Севилья” 2:1-ээр хожлоо. Мэдээж “Севилья”-д бага зэрэг давуу тал үлдсэн. Мөн “Лестер” айлын талбайд гоол оруулсан учраас боломж байна. Харин тоглолтод тэд талбайдаа өрсөлдөгчөө 1:0-ээр буулгаж авахад л дараагийн шат руу орох боломж бий.

Энэ удаагийн тоглолтын 25 дахь минутад Сарабия гоолдож, тооны харьцааг нээсэн. Улмаар 62 дахь минутад Корреа нэгийг нэмжээ. Тэгвэл “Лестер”-ээс 73 дахь минутад Жейми Варди тун хэрэгтэй нэг гоолыг оруулсан юм. Харин тоглолтод Англид болно.