Монголын рок попын ертөнцөд 24 жил ноёрхож, шүтэн бишрэгчиддээ уран бүтээлээ хүргэж яваа хамтлаг бол “Хурд”. Тус хамтлагийн уран бүтээлчид  алслагдсан сумдын эмнэлэгт тоног төхөөрөмж хандивлахаар болсон гэдгээ мэдэгдэж байсан.

Тодруулбал, баруун аймгуудын алслагдсан сумдын эмнэлгийн нярайн тасагт техник тоног төхөөрөмж хандивлах аж. Харин энэхүү хандивын үйл ажиллагааг өөрсдийн алтан пянзыг Европын улс, АНУ, ӨМӨЗО болон эх орондоо дуудлага худалдаанд оруулж олсон орлогоороо хийж байгаа юм байна.

Тус дуудлага худалдаанаас цугласан мөнгөөр ийнхүү эмнэлгийн тоног төхөөрөмж авсан бөгөөд маргааш эмнэлгийн удирдлагуудад гардуулах өгөхөөр болжээ. Дашрамд сонирхуулахад, “Хурд” хамтлаг 20 жилийн ойн хүрээнд 2013 онд “Алтан пянз” гаргаж байсан билээ.