Аваргуудын лигийн 1/8 шигшээн хүрээнд Английн “Лестер” клуб Испанийн “Севилья”-гийн талбайд зочилж, 2:1-ээр хожигдсон билээ. Тоглолтын дараа “Лестер”-ын хаалгач Каспер Шмейхель өөрийн сэтгэгдлээ хуваалцжээ.

Тэрбээр “Үнэхээр хэцүү тоглолт боллоо. Манай баг хожигдсон ч сайн тоглосон. Аваргуудын лигт айлын талбайд 2:1-ээр хожигдоно гэдэг сайн үр дүн. Энэ улиралд манай баг тааруухан тоглож байгаа ч “Севилья”-гийн эсрэг сайн байхыг хүссэн.

Одоо бид талбайдаа том зорилготой тоглох болно. Гоол оруулж чадна гэж найдаж байна. Одоо тоглолтын хувь заяа хаашаа ч эргэж болно. Хариу тоглолтод бид бүгд л өөрийнхөө хамгийн сайнаар тоглох байх” хэмээн ярьжээ.