Олон улсын эмэгтэйчүүдийн баяр энэ сарын 8-нд тохиож, улс орон даяар бүх нийтээр амарсан. Тэгвэл энэхүү өдөр согтууруулах ундааны зүйл хэрэглэж, улмаар танхайрсан гэх дуудлага цагдаагийн газарт ирсэн байна.

Тодруулбал, энэ сарын 7-нд Чингэлтэй дүүрэгт байрлах нэгэн шөнийн цэнгээний газарт 34 настай эмэгтэй А, 41 настай эмэгтэй Б нар согтуурсан үедээ тус газрын дэлгэцийг хагалсан хэрэг гарсан байна.

Дээрх этгээдүүд дуудлагын дагуу очсон цагдаагийн алба хаагчийн хууль ёсны шаардлагыг эсэргүүцэж биед халдаж дүрэмт хувцсыг нь урж танхайрсан байна. Уг хэргийг Чингэлтэй дүүргийн цагдаагийн I хэлтэс шалгаж байгаа аж.