ОХУ-ын Засгийн газар Диснейн алдартай хүүхэлдэйн киноноос сэдэвлэн бүтээсэн  “Гоо үзэсгэлэн ба араатан” киног 16-аас доош насны хүүхдүүд үзэхийг хориглож буйгаа мэдэгджээ.

Тус улсын консерватив гишүүд “ижил хүйстний хайр сэтгэлийг харуулах” үзэгдэл багтсан тул ийнхүү 16-аас доош насны хүүхдүүд үзэхийг хориглохыг шаардаж байжээ. Найруулагч Билл Кондоны бүтээл, Эмма Уатсоны гол дүрд нь тоглосон “Гоо үзэсгэлэн ба араатан” кино энэ сарын 16-ны өдөр ОХУ-д нээлтээ хийхээр төлөвлөгдсөн байсан аж.

Гэвч кино нээлтээ хийхийн өмнө найруулагч нь Диснейн бүтээлүүд дундаа анх удаагаа ижил хүйстнийг харуулсан үзэгдэл багтсаныг илчилсэн байна. Гэтэл Диснейгээс өмнө нь 6-аас дээш насны хүүхдүүд үзэж болно гэж мэдэгдэж байжээ. Ямартай ч, тус киног ОХУ-д 16-аас дээш насны хүмүүс л үзэх гэнэ.