Баян-Өлгий аймгийн Дэлүүн суманд газар хөдөлсөн байна. Энэ талаар Одон орон, геофизикийн хүрээлэнгийн албан ёсны цахим хуудаст нийтэлжээ.  

Тус мэдээлэлд "Улаанбаатарын цагаар 2017 оны гуравдугаар сарын 13-ны 05 цаг 41 минут 06 секундэд Баян-Өлгий аймгийн Дэлүүн сумаас зүүн зүгт 27 км-ийн зайд магнитуд нь М=4.2-тэй газар хөдлөлт боллоо. Газар хөдлөлтийн төв өргөрөг 47.84 уртраг 91.06" хэмээсэн нийтэлсэн байна.

Одоогийн байдлаар ямар нэгэн гамшиг осол болсон тухай мэдээлэл гараагүй талаар мөн мэдээлжээ. Түүнчлэн гуравдугаар сарын 11-нд Дорноговь аймгийн Хөвсгөл сумаас зүүн урд зүгт 83 км-ийн зайд магнитуд нь М=3.8-тэй газар хөдлөлт болсон ажээ.