“Боловсрол” телевизийн уран бүтээлчдийн бэлтгэн хүргэж буй “Яг түүн шиг” шоу гарсан цагаасаа үзэгчдийг байлдан дагуулж байгаа билээ. Тэгвэл тус шоу нэвтрүүлгийн хагас шигшээ өнөөдөр болно.

50 сая төгрөгийн шагналтай “Яг түүн шиг” шоунд дуучин П.Баярцэнгэл,  Э.Энхзол, Б.Амархүү, Б. Маралжингоо, “Камертон” хамтлагийн дуучин Л.Ган-эрдэнэ, жүжигчин Н.Мөнхсоёл, загвар өмсөгч Э.Энхболд,  С.Сарнай, Монголын болоод дэлхийн алдартнуудын дүрд хувирсан гайхалтай үзүүлбэрүүдээ  дэлгэж, үзэгчдээс магтаалын үгсийг харамгүй сонссоор байгаа юм.

Тэгвэл өнөөдрөөс эхлэн “Яг түүн шиг” шоу нэвтрүүлгийн оролцогчдын нүүр хувиргалтыг ОХУ-ын тусгай нүүр хувиргалтын FX Pro LAB” компанийн Алексей Ивченкогоор ахлуулсан багийнхан хийхээр болжээ.

Алексей Ивченкогоор ахлуулсан багийнхан АНУ-д нүүр хувиргалтын мэргэжил эзэмшсэн бөгөөд сүүлийн 10 жил  кино төсөл болон ОХУ-д зохион байгуулагдсан “Яг түүн шиг” буюу “Один  в Один” шоунд ажиллаж байсан туршлагатай уран бүтээлчид ажээ.

Сонихуулахад, Алексей Ивченкогоор багийнхан аль хэдийнэ Улаанбаатар ирсэн бөгөөд тэд ОХУ-д байхдаа л “Яг түүн шиг” шоу нэвтрүүлгийн оролцогчдын нүүр хувиргалт дээр ажиллаж эхэлсэн гэнэ.