Италийн Сери А лигийн хүрээнд “Лацио” клуб талбайдаа “Торино”-г хүлээж авч, 3:1-ээр хожсон билээ. Энэ тоглолтын эхний гоолыг “Лацио”-гийн довтлогч Чиро Иммобиле оруулсан. Ингэснээр өдгөө 27 настай Итали довтлогч таван тоглолт дараалан гоол оруулаад байна.

Тэрбээр өмнөх тойрогт “Болонья”-гийн хаалганд дубль хийж, багтаа ялалт авчирсан юм. Иммобиле энэ улиралд Италийн Сери А лигт 27 тоглолтод оролцож, 17 гоол оруулж, дөрвөн гоолын дамжуулалт өгчихөөд байна. Тэрбээр одоогоор мэргэн буучийн жагсаалтын зургадугаар байрт бичигдэж байгаа билээ.