Киви хамтлагийн ахлагч, дуучин Уламбаяр буюу Укагийн хөрөг зургийг Австралийн Мельбурн хотын нэгэн гудамжинд зусан байна. Энэхүү гайхалтай бүтээлийг тус улсын Урлагийн их сургуульд суралцдаг граффити уран бүтээлч Х.Хоснаран бүтээжээ.

Тэрбээр, Мельбурн хотын “Hosier lane” нэртэй гудамжны хананд дуучин Укаг монгол хатны өмсгөлтэйгөөр дүрслэн зурсан гэнэ. Х.Хоснаран Мельбурн хотын гудамжинд Чингисийн баатрууд болон эртний хатдын олон зургийг буулгасан байна. Харин түүний энэ удаагийн уран бүтээл нь Укагийн “Хөгжим” шинэ цомогтоо зориулан авхуулсан хатны өмсгөлтэй зураг байсан гэнэ.

Тэрбээр Австралид контемпорари арт болон уран зураг, хэвлэлтийн урлаг чиглэлээр суралцдаг юм байна.