Нийслэлийн Налайх дүүрэгт үйл ажиллагаа явуулдаг уурхайн аманд дахин нуранга үүссэн байна. Тодруулбал, өчигдөр тус дүүргийн  III хороо, иргэн Д-гийн нүүрсний бичил уурхайд нуралт үүсчээ. Үүнээс болж уурхайн гүнд ажиллаж байсан хоёр  хүн дарагдсан байна.

Ослын дуудлага үдшийн 19:20 цагт ирсэн бөгөөд  ОБЕГ-ын харьяа Уул уурхайн аврах ангийн 12 албан хаагч ослын газар ажилласан аж.  Аврагчид уурхайн гүнд нурангид дарагдсан  иргэн 44 настай Д, 32 настай Б нарыг аварч, эмнэлгийн анхан шатны тусламж үзүүлэн, дүүргийн эрүүл мэндийн төвд хүлээлгэн өгсөн байна .