БСШУС-ын сайд Ж.Батсуурь Дэлхийн банкны Монгол дахь суурин төлөөлөгчийн газрын менежер Жеймс Андерсон тэргүүтэй хүмүүсийг хүлээн авч уулзсан байна.

Энэхүү уулзалтад БСШУС-ын сайдын зөвлөх, академич Н.Бэгз, БСШУСЯ-ны Сургуулийн өмнөх,  бага боловсролын хэлтсийн дарга Ж.Мягмар, судлаач доктор Цутому Нифуку, Дэлхийн банкны хөтөлбөр хариуцсан багийн ахлагч Артесса Салидвар Сали,  Газар хөдлөлтийн судалгааны багийн ахлагч Кит Мияамото нар болон холбогдох албаны хүмүүс оролцжээ.

Уулзалтын үеэр Дэлхийн банкнаас санхүүжүүлсэн Монгол Улс дахь барилгын бүтцийг сайжруулах хөтөлбөрийн хүрээнд  Улаанбаатар хотын ерөнхий боловсролын сургуулиудад  газар хөдлөлтийн чичирхийлэлтийн эрсдэлийн үнэлгээ хийх, аюулыг бууруулах арга замыг тодруулах зорилго бүхий төслийн танилцуулгыг хийсэн юм.

Мөн  судалгааны хүрээнд Улаанбаатар хотын 200 гаруй ЕБС, цэцэрлэгийн барилга, байгууламжид эрсдлийн дүн шинжилгээ хийсэн аж. Уулзалтын үеэр талууд цаашид хийж, хэрэгжүүлэх арга хэмжээ, ажлын талаар харилцан санал солилцсон юм.