Улсын Дуурь Бүжгийн Эрдмийн Театрын уран бүтээлчид энэ амралтын өдрөөр буюу цэргийн баяраар  А.Хачатурян "Спартак" балетыг тоглохоо р болжээ. Энэхүү балет нь ХХ зууны шилдэг балетуудын жагсаалтад багтсан байдаг.  Тус балетад Ромын эсрэг боолын бослогын удирдагч Спартакийн тухай өгүүлдэг.

Эмгэнэлтэй төгсгөлтэй ч үйл явдлаар түүхэн эрх чөлөөний баатарлаг тэмцлийг харуулдаг аж. Манай улсад 1984 оны тавдугаар сарын 5-ны өдөр балетмейстер УГЗ, Төрийн шагналт, Хөдөлмөрийн баатар Б.Жамъяндагва, Ардын зураач Ч.Гунгаасүх, удирдаач Төрийн шагналт, Ардын жүжигчин Ж.Чулуун нар  балетыг найруулан тайзны бүтээл болгосон түүхтэй юм байна.  “Спартак” балетыг энэ сарын 18-нд 17.00 цагт УДБЭТ-ын тайзнаа тоглоно.