Залуучууд согтууруулах ундааны зүйл хэрэглэн танхайрч, хоорондоо зодолдон улмаар нэгнийхээ амийг хөнөөсөн харамсалтай хэрэг сүүлийн үед гарах болжээ.

Өнгөрсөн амралтын өдөр гэхэд Цагдаагийн газарт Сүхбаатар дүүргийн XIII хорооны “... тоотод нас барсан хүн байна” гэсэн мэдээлэл иржээ. Тус мэдээллийн дагуу цагдаагийн алба хаагчид шалгахад,  26 настай эрэгтэй Б -гийн толгойн ард шархтай нас барсан хэргийг “...”-ийн диско бааранд энэ сарын 19-ний 01:25 цагийн үед Сэлэнгэ аймаг харьят 28 настай Ч үйлдсэн болох нь тогтоогджээ.

Ч гэгч этгээд ширээний тавцан модоор Б-гийн толгой тус газар цохиж амийг нь хохироосоныг тогтоосон байна. Уг хэргийг Сүхбаатар дүүргийн цагдаагийн II хэлтэс шалгаж байна.