Ерөнхийлөгчийн сонгууль ирэх зургадугаар сард болно. Үүнтэй холбогдуулан иргэдийн шилжих хөдөлгөөнийг зогсоохоор болжээ. Тодруулбал, энэ сарын 27-ноос ирэх зургадугаар сарын 27-ны өдрийг дуустал 60 хоногийн хугацаанд улсын хэмжээнд иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг зогсоох юм байна.

Сонгуулийн тухай хуулийн 66 дугаар зүйлийн 66.1 дэх хэсэгт “Иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдөр сэргээнэ” хэмээн заасан байдаг аж. Тус хуулийн хүрээнд ийнхүү арга хэмжээ авч байгаа юм байна.