Сүүлийн үед согтууруулах ундааны зүйл хэтрүүлэн хэрэглэхгүй байхыг Цагдаагийн байгууллагаас анхааруулж буй. Иргэд согтууруулах ундааны зүйл хэтрүүлэн хэрэглэсний улмаас гэмт хэргийн хохирогч болох, гэмт хэрэг үйлдэх зэрэг тохиолдол гардаг байна.

Тэгвэл өчигдөр гэхэд согтууруулах ундааны зүйл хэтрүүлэн хэрэглэж, улмаар хүний амь хөнөөсөн хэрэг гарчээ. Тодруулбал, “Баянзүрх” захын гадна бусдад зодуулсан хүн Яаралтай түргэн тусламжийн автомашинаар ГССҮТ-д хүргэгдэн ирээд нас барлаа” гэсэн мэдээлэл цагдаагийн газарт ирсэн аж.

Дуудлагын дагуу шалгахад, Баянзүрх худалдааны төвийн зүүн урд зам дээр Сонгинохайрхан дүүргийн X хороонд суух 60 настай эрэгтэй Э гэгч этгээд согтуурсан үедээ шалтгаангүй хэрүүл маргаан үүсгэж, цохиж унагаан гэмтээсэн байна. Улмаар хохирогч эмнэлэгт хүргэгдэн ирээд нас барсан аж.

Одоогийн байдлаар уг хэргийг шалгаж байгаа юм байна.