Плэй оффын цувралын зургаа дахь тоглолт Хьюстон Рокетс талбай дээрээ Сан Антонио Спөрс багтай тоглолоо. Тоглолтын эхний хагаст 61-42 -оор Спөрс тэргүүлсэн бол сүүлийн хагаст оноог ойртуулахгүй байж чадсанаар 114-75 харьцаагаар хожлоо. Ингэснээр цувралыг 4-2 харьцаагаар дуусгасан бөгөөд өрнөд бүсийн аваргын төлөө Голдэн Стэйт Уорриорс багтай ням гарагийн шөнө тоглоно. СА Спөрс Грег Поповичийн удирдлага нь дор 10 удаагаа бүсийн финалд шалгарлаа

Тус тоглолтод Ламаркус Олдридж плэй оффын хамгийн их 34 оноо, 12 самбараас бөмбөг авч багаа тэргүүлсэн бол Жонатон Симмонс 18, Патти Миллс 14, Дэнни Грин, Пау Газол 10 оноо, 15 самбараас бөмбөг авчээ. Тус багийн лидер Кавай Леонард энэ тоглолтод гэмтлийн улмаас тоглоогүй билээ. Эсрэг багаас Тревер Ариза 20 оноо, Капела 15 оноо, 12самбараас бөмбөг авсан бол багийн лидер Жеймс Харден ердөө 10 оноог авчээ.