Урин дулаан цаг ирэхтэй зэрэгцэн хөдөө орон нутаг болон зуслан, ногоон бүсэд амрагсдын тоо эрс нэмэгддэг. Үүнтэй холбогдуулан орчны бохирдол, хог хаягдал ихээр үүсдэг билээ. Тэгвэл Баянзүрх дүүргийн Засаг даргын А/151 дүгээр захирамжаар зуслан, ногоон бүсийн их цэвэрлэгээний ажлыг зохион байгуулж байна.

Тодруулбал, Сэлбэ гол, Улиастай гол, Туул гол дагуух зам талбайд хаягдсан хогийг цэвэрлэж байгаа аж.  Уг цэвэрлэгээнд оролцож буй байгууллага аж ахуйн нэгжүүдэд хяналт тавих, оролцоогүй байгууллагуудад мэдэгдэл, албан шаардлага хүргүүлэх, торгуулийн арга хэмжээ ногдуулах гэнэ.

Мөн иргэд, аж ахуйн нэгж байгууллагууд гадна орчныхоо нийтийн эзэмшлийн зам талбай, хайс, хашлага, явган хүний замын хогийг цэвэрлэж, угаан, хаягийг стандартын дагуу шинэчилж, гэрэлтүүлгийг нэмэгдүүлэн, орчныхоо 50 метр хүртэлх нийтийн эзэмшлийн зам талбай, ногоон байгууламжийг цэвэрлэх юм байна.