"Туурайн төвөргөөн" 2017 олон улсын хөгжмийн их наадмын нээлтийн үйл ажиллагаа энэ сарын 22-нд Монголын Бурхан шашны төв Гандантэгчэнлин хийдийн талбайд болно. Энэ үеэр Ноён хутагт Данзанравжаагийн "Үлэмжийн чанар"  дууг бүх нийтээр дуулах гэнэ. Мөн хийдийн тэргүүн их хамба лам СГЗ гавж Д.Чойжамц, Да лам Х.Бямбажав, Хансүх, Гавж Д.Нанзаддорж тэргүүтэн лам хуврагууд айлдвар сургаалиа айлдах юм байна.  Дэлхийн шилдэг 50 соёлын арга хэмжээгээр албан ёсоор шалгарсан "Туурайн төвөргөөн 2017" олон улсын хөгжмийн их наадмыг зургаадугаар сарын 22-ны өдрөөс долоодугаар сарын 4-ний өдрүүдэд Улаанбаатар-Өвөрхангай Хархорин Эрдэнэзуу хийд-Сайншанд Хамрын хийд хэмээх түүхэн газруудад зохион байгуулахаар болжээ.  Тус наадамд уртын дуучид ая дуугаа өргөхөөс гадна “Шилмэл загвар” салоны хамт олон Бурхадын өмсгөл загваруудаа танилцуулж, Профессор Бернхард Вульф төгөлдөр хуурын ая эгшгээр тахил өргөх юм байна. Тус наадмын хөтөлбөрийг дэлгэрэнгүй танилцуулъя.

• 11:00 Нээлтийн үг  С.Бадамхорол, С.Бадамханд  /Туурайн Төвөргөөн олон улсын хөгжмийн их наадмын захирал, ХБНГУ-ын Фрайбург дахь Монголын соёлын төвийн захирал/
• 11:05 Мэндчилгээ  Профессор Бернхард Вульф / Туурайн Төвөргөөн олон улсын хөгжмийн их наадмын ерөнхийлөгч, Монголын соёлын элч/
• 11:10 Уртын дуу / Уртын дууны өв тээгчид, “Зуунтай холбоо”/
• 11:15 МБШТөв Гандантэгчэнлин хийдийн Тэргүүн их Хамба лам, Гавж Д.Чойжамцын айлдвар сургааль
• 11:25 Хүслийн 5 Тахил өргөх / МБШТөв Гандантэгчэнлин хийдийн лам хуврагууд /
• 11:30 МБШТөв Гандантэгчэнлин хийдийн Да Лам Х.Бямбажав /Дүрст тахил өргөх/
• 11:35 Шилмэл загвар салон  /Бурхадын өмсгөл, тахил өргөл/
• 11:40 МБШТөв Гандантэгчэнлин хийдийн Хансүр, Гавж Д.Нанзаддорж /дуут тахил, хөгжим/
• 11:50 СТА С.Бадамхорол, Уртын дуу, Профессор Бернхард Вульф төгөлдөр хуурын ая эгшгээр тахил өргөнө.
• 12:00  Үлэмжийн чанар дууг бүх нийтээр дэлхий дахинаа дуулна
• 12:10 IX Ноён хутагт Данзанлувсантүдэв Айлдвар айлдана.
• 12:15 МБШТөв Гандантэгчэнлин хийдийн Дашчойнпэл дацангийн шунлайв, Гавж С.Гантөмөр /үнэр тахил өргөх, хүж, арц/
• 12:25 Сан уншлага /Чингисийн сан монголоор /
• 12:30  МБШТөв Гандантэгчэнлин хийдийн Гавж, “Жавзандамба хутагт төв”-ийн номын багш Д.Нямсамбуу
• 12:40 Жамчод  /Цай, Амттанаар тахил өргөх/