“Боловсрол” телевизийн уран бүтээлчид дэлхийн 39 оронд бүтээгдсэн “Яг түүн шиг” шоу нэвтрүүлгийг албан ёсны эрхийн дагуу эх орондоо амжилттай зохион байгуулсан билээ.

Тус шоуны үзэгчдийн хайр хүндэтгэлийг хүлээсэн шилдэг оролцогчдын нэг бол яах аргагүй загвар өмсөгч Э.Энхболд, С.Сарнай нар. Тэд шоуны явцад өөрсдийгөө мэргэжлийн дуучнаас дутахааргүй авьяастай гэдгээ  харуулаад амжсан. Тэгвэл авьяаслаг загвар өмсөгчид энэ удаад чадварлаг жүжигчид гэдгээ харуулж, “Өнгөт инээд” продакшны уран бүтээлчидтэй хамтарч кинонд дүр бүтээж байгаа аж.

Одоогоор ямар кино гэдгийг нууцалж байгаа бөгөөд багийн бүрэлдэхүүнд жүжигчин С.Өлзийхүү, Х.Баярмаа, А.Алтанхуяг, "Шинэ үе"-ийн жүжигчин Отгоо, Х.Намуун нар багтжээ. Ямартай ч залуу загвар өмсөгчид шинэхэн уран бүтээлээрээ үзэгчидтэйгээ тун удахгүй уулзах нь.