Норвегийн төв хэсэгт хүчтэй аянга бууж, 300 гаруй цаа буга үхжээ. Энэ талаар тус улсын байгаль орчны хүрээлэнгээс мэдээлсэн байна.

Тодруулбал, Хардангервидда уулын бүс нутгийн жижиг талбайд аянга буусан бөгөөд улмаар зэрлэг байгалийн 323 цаа буга өртөж сүйдсэний 70 нь нялх төл байжээ. Байгалийн гамшигт үзэгдлийн улмаас сүйрсэн нэгэн сүрэг амьтны дүр зураг барууны хэвлэл мэдээллийн агентлагуудын цахим хуудаснаа нийтлэгдсэн байна.

Сүүлийн үед уур амьсгалын өөрчлөлт, байгалийн хүчин зүйлсийн улмаас зэрлэг ан амьтад олноороо үхэх болжээ. Өмнө нь 2005 онд Австралид  68 үхэр аянганд ниргүүлж байсан ажээ.