“Копа Америка”-гийн шигшээ тоглолтод Чилийн багтай тулсан ч торгуулын цохилтоор Аргентины шигшээ баг хожигдсон билээ. Тэгвэл энэхүү тоглолтын дараа Аргентины шигшээ багийн ахлагч Месси шигшээ багаасаа зодог тайлахаа мэдэгдэж, хөлбөмбөг сонирхогчдыг цочролд оруулсан билээ. Тэрбээр дэлхийн аваргын  болон  “Копа Америка”-гийн финалд хоёр удаа хожигдсоны дараа сэтгэлээр унаж, энэ мэдэгдлийг хийсэн ч гэж мэргэжилтнүүд үзэж байсан.

Тэгвэл тэрбээр шигшээ багтайгаа эргэн нэгдэж, 2018 оны хөлбөмбөгийн дэлхийн аваргын урьдчилсан шатны тоглолтуудад оролцохоор болсон байна. Месси өчигдрөөс шигшээ багтайгаа нэгдэж, бэлтгэлээ хийж эхэлжээ.