Ерөнхийлөгчийн сонгуульд өрсөлдөх нэр дэвшигчдийг тодруулах ажиллагаа дөрөвдүгээр сарын 30-нд эхэлсэн. УИХ-д суудалтай дөрвөн нам, эвсэл өөр өөрсдийн нэр дэвшигчийг Ерөнхийлөгчид “сойх” ажилдаа ханцуй шамлан орсон. Эдгээрээс хамгийн дуулиантай бас будилаантай нь АН болоод байна. Хоёр толгойтой гэгдэх болсон АН-ын нэр дэвшигчдийн бүртгэл, дотоод сонгууль, дотоод сонгуулийн саналын дүн гээд бүгд тусдаа болж өндөрлөлөө. М.Тулгат даргатай АН-аас УИХ-ын гишүүн асан С.Эрдэнэ, О.Цогтгэрэл даргатай АН-аас УИХ-ын гишүүн Н.Алтанхуяг нар нэр дэвшихээр болсныг зарлажээ. Харин С.Эрдэнэ талаах З.Энхболд өчигдөр өөрийн цахим хуудсандаа нийтэлжээ.

Тэрбээр "Ийм луйвар орж болдог учраас цахим сонгуулийг дэлхий даяар хориглодог. Цаасаар хийсэн сонгууль нь найдвартай. Эрдэнэ намайг ТВ-ээр гүтгэж байхаар энэ луйврийн сонгуулиа луйваргүй болгож сайжруулаач. 1 хүн 3 удаа санал өгч болж байгаа бол энэ сонгууль биш" хэмээжээ.