Баянгол дүүргийн Засаг даргын 2021 оны А/308, А/309 дүгээр захирамжийн хүрээнд дүүргийн 25 дугаар хороонд байрлах #нийтийн_эдэлбэр_газарт зөвшөөрөлгүй газар ашиглаж барьсан 43 тоосгон гараашийг албадан чөлөөлөх ажлыг нийслэл, дүүргийн Газар зохион байгуулалтын албаны албан хаагчид, 25 дугаар хорооны Засаг дарга болон ажлын алба, цагдаагийн алба хаагчид яг одоо хамтран гүйцэтгэж байна. “Голден парк” 1, 2 хороолол нь 3131 өрхтэй, 12.000 гаруй хүн амтай бөгөөд нийтийн эзэмшлийн газарт гарааш зөвшөөрөлгүй барьснаас болж “Голден парк” 1, 2 болон “Цоглог” хотхоны оршин суугчид түргэн тусламж болон гал командын дуудлага өгсөн үед яаралтай тусламж авч чадахгүй байсан юм.